http://epaper.prabhanews.com/index.aspx?eid=31967

http://epaper.prabhanews.com/PUBLICATIONS/ANDHRAPRABHA/SUNDAY/2015/09/27/ArticleHtmls/27092015030003.shtml?Mode=1#

27-09-2015 

http://epaper.prabhanews.com/PUBLICATIONS/ANDHRAPRABHA/SUNDAY/2015/08/23/ArticleHtmls/23082015023012.shtml?Mode=1

30-08-2015   Andhra prabha daily

మట్టి గుండె జారిపోతోంది

గవిడి శ్రీనివాస్‌
08886174458
మమకారం పంచిన తల్లిలా
నా మట్టి లాలించి పాలించేది
నేను తెల్లారే రేగిన ఆనందంతో
పొలా గట్లవెంట తుళ్ళిపడేవాడిని
కళ్ళళ్ళో పరిమళా పందిళ్ళు విరిసేవి
అంతే
వొయ్యారంగా ఊగే ఆకుపచ్చని పొలాన్ని
రెక్కు చాచుకు హత్తుకునే వాణ్ణి
దొర్లుతున్న సంవత్సరంలో
పైరుపచ్చని కలు దృశ్యాలై నిలిచేవి
రాజధాని రెక్కల్లో
రాక్షస కత్తు దూస్తున్నాయి

చీకటి స్వప్నాు
ఊహించని దాయి
బతుకుని ఛిద్రం చేస్తున్నాయి
ఆకుపచ్చని గుండె మీద
సిమ్మెంట్‌ దరువు మోగుతున్నాయి
ఈ కళ్ళముందే
మబ్బుపడుతున్న పొలాన్ని చూస్తే
ఆకాశాన్ని పిండి
కన్నీటి ధారు చిందిస్తున్నట్లు
నాలో ఒక నిర్వేదం అుముకుంది
ఇక్కడ మట్టి బంధాల్ని లెక్కించే
మనుషుల్ని చూడలేం
ఊహ సౌధాల్ని
ఆలింగనం చేసుకుని
వ్యాపార సామ్రాజ్య వాదాన్ని
బాకా ఊదుతున్న
రాబంధుల్ని భరిస్తున్నాం
నిశ్శబ్దం ముక్కలైన చోట
విప్లవాు మొకెత్తుతాయి
ఆశ దృశ్యాల్ని చూపిస్తూ
రిక్త హస్తాు ఎదురైన వేళ
రగుతున్న  రక్తం
చెరిగిపోని పుటగా
లిఖించబడుతుంది

ప్రస్థానం సెప్టెంబర్‌ 2015

http://www.prasthanam.com/node/1071

కనురెప్పల భాష

-గవిడి శ్రీనివాస్
9966550601 ,08722784768
నీ కనురెప్పలపై ఊయలూగి
నుదుటిన వెలిగే
చంద్రబింబాన్ని అందుకోవాలని ఉంది!
నీ కనురెప్పలు
మూస్తూ తెరుస్తుంటే
నెమలి పింఛంతో
గాలి విసురుతున్నట్లుంది

అలా వాల్చిన
నీ కనురెప్పల తలుపులు
ప్రశాంత ప్రపంచాన్ని
మేల్కొలుపుతున్నాయి
రెప్పలు వాల్చిన
నీ మౌన ప్రపంచంలో
తడిసి ముద్దయిన వాడ్ని.
నీవు కనురెప్పల్ని తెరచి చూస్తే
మేఘాలపై వర్షాన్ని
కురవమన్నట్లుంది

నీ వలా లేస్తూ కదులుతుంటే
జలపాతాలు సన్నసన్నగా జారుతున్నట్లు
యవ్వనమంతా నాభి సంద్రంలోంచి
ఉబుకుతున్నట్లు
మనోనేత్రంలో దృశ్య పరిమళాలు
పరవళ్లు తొక్కుతున్నాయి
మౌనం వెనకాల దాగిన
ఆంతరంగిక భాషతో
నన్ను అలా నడిపిస్తున్నావ్
నీ పెదవులపై తేనెపిట్టలా
వాలమని పంపిన సంకేతాలు
ఇంకా కళ్లల్లో దృశ్యాలుగా
తడుపుతూనే ఉన్నాయి.

http://www.andhrabhoomi.net/node/248531

09-08-2015

wikipedia

https://te.wikipedia.org/wiki/%E0%B0%86%E0%B0%A7%E0%B1%81%E0%B0%A8%E0%B0%BF%E0%B0%95_%E0%B0%AF%E0%B1%81%E0%B0%97%E0%B0%82_%E0%B0%B8%E0%B0%BE%E0%B0%B9%E0%B0%BF%E0%B0%A4%E0%B1%80%E0%B0%95%E0%B0%BE%E0%B0%B0%E0%B1%81%E0%B0%B2_%E0%B0%9C%E0%B0%BE%E0%B0%AC%E0%B0%BF%E0%B0%A4%E0%B0%BE

Young poet Gavidi Srinivas - Aksharam | 10tv

Watch a review on  Gavidi Srinivas  Poetry  on  youtube
which is telecast on 10TV on 12-07-2015.

Click on the link and watch.

https://www.youtube.com/watch?v=c524UVpNXSg

http://10tv.in/content/Young-poet-Gavidi-Srinivas-Aksharam-2195

ఆ దేహం నాదే

రచన: గవిడి శ్రీనివాస్

మల్లెపూలు పెట్టుకుని
వెన్నెల చీర చుట్టుకుని
నా హృదయ ద్వారం ముందు నిలబడ్డ
సిగ్గుతో నేసిన ఓ ముగ్గు బుట్టా
ఎన్ని రంగుల ముగ్గులా వుందో !
కాటుక చెక్కిన కళ్ళ అందాలతో
జారే జలపాతంలాంటి
ఊయలలూగే నడుంతో
ముట్టుకుంటే తేనే స్వరాలు
వొలికే వేళ్ళతో
కురులతో అలా పిలుస్తున్నట్టుగా
సమ్మోహనంగా కవ్విస్తున్నట్టుగా
లోలోన మనసు పరదాల వెనుక
ఆశలు కొద్ది కొద్దిగా చిగిరిస్తున్నట్టుగా
ఆమె దేహం గాలి తరంగాల్లో
సందేశాల సవ్వడి చేస్తోంది
నా ముందు నిలిచి
చూపుల పూల దండలతో గుచ్చీ
మనసు అంగీకారాన్ని
దేహ భాషగా పరిచాక
ఒక ఆరాధనా భావంతో
నీ హృదయ సామ్రాజ్యాన్ని
జయించినందుకు
నాదైన భాషలో భావంలో
నీ కోసం వెన్నెల సామ్రాజ్యాన్ని నిర్మించా!
అనుభూతుల పల్లకిలో
ఆత్మానందంతో తేలియాడుతూ
స్నేహపరిమళాన్ని పూసుకుని
ఏడు అడుగులుగా నడవడానికి సిద్ధపడ్డ
నాకే సొంతమైన
ఆ అంతరంగాల ప్రేమపందిరి
ఆ దేహం నాదే !
నా కోసం పుట్టిందే !!

http://magazine.maalika.org/2015/07/01/%E0%B0%86-%E0%B0%A6%E0%B1%87%E0%B0%B9%E0%B0%82-%E0%B0%A8%E0%B0%BE%E0%B0%A6%E0%B1%87-2/

web magazine  maalika  01-07-2015  published

Naa Matti

                                                          14-June-2015 AndhraPrabha Sunday 

Gavidi Srinivas(13thJune1977)

వసంతరాగం
- గవిడి శ్రీనివాస్‌8886174458

క్షణం తీరిక దొరికితే చాలు
నీ ఊహలు పిచ్చిక గూళ్ళు కడతాయి
నువ్వలా తలపైవాలి
వెన్నెల్ని పువ్వుల్లా జల్లుతున్నట్లు
నీ చుంబన వర్షంలో
తడిసి ముద్దవుతున్నట్లు

ఒకటే అలజడి
నాలో మొదలవుతుంది
నీ చేతి స్పర్శతో
వెలిగిస్తావ్‌
మంత్రముగ్ధుడ్ని చేస్తావ్‌
రోజులన్నీ విరిగిపోయి
కాలగర్భంలో వొదిగిపోతున్నా
జ్ఞాపకాల్లో నీవులేని రోజు
అగాధంలో కూరుకు పోతున్నట్లే ఉంటుంది.
గతంలో నీ పరిమళాన్ని
వర్తమానంలో కూడా
నీ వసంత రాగాన్ని
నా దేహం నిండా పరుచుకుని
గుభాలిస్తూనే వుంటాను
తీరాలు దాటి
చిగురించే ఆశలతో
నా ముంగిట వాలుతావా! మరీ!!
విరబూసిన చెట్టులా
గలగలా చిరునవ్వులు రువ్వతావా! మరీ!!

కన్నుల్లో వర్షం

Sun, 26 Dec 2010, IST    vv

సన్నసన్నగా జాలువారుతూ

రెప్పల మీద తూనీగల్లా వాలింది వర్షం.

గలగలా గాజుల శబ్దంలా

చెవిలో హోరు రాగాలు

పెళ్ళి కూతురిలా ముస్తాబైన వాన

వరద సామ్రాజ్యానికి రాజులా

పాత ప్రపంచాన్ని తుడుస్తూ

కొత్త లోకానికి మార్గమవుతుంది

పుడమి వొడిలో

సరికొత్త పచ్చని కాంతులు ఉదయిస్తాయి

చినుకు చిటపటల్లో

కొత్తరాగాలు ధ్వనిస్తున్నాయి

ఆస్వాదించాలే గానీ

తడవడం ఒక సుందర దృశ్యం

తేనె ధారలు కురుస్తున్నట్లు

చిరుదరహాసం మీద

కురుల సోయగాలు విరబూస్తున్నట్లు

మెలికలు తిరిగిపోతున్న వర్షం

చెట్లు తలాడిస్తూ

ఇంధ్రధనస్సుల్ని వెదుకుతున్నాయి

కళ్ళల్లో మెరుపులు

లేత యవ్వనాల తీగల్ని శృతి చేస్తున్నాయి

ఇక ఈ వానతో లోలోన జ్ఞాపకాల

జల్లులూ కురుస్తున్నాయి

చినుకు చిగురించాక

కన్నుల్లో వర్షం దృశ్యంగా కదిలాక

మనసు మొలకెత్తకుండా ఉండనూ లేదు.్‌

- గవిడి శ్రీనివాస్‌

నీరైపోనూ...!

Sun, 11 Apr 2010, IST    -గవిడి శ్రీనివాస్‌

జొన్నసేను రేకుల్లో

మబ్బుకళ్ళు జార్చిన

పన్నీరే ఈ చిట్టిచినుకులు

పూవైపోదూ చిరునవ్వైపోదూ

చెరుకు జడల మధ్య

నిద్రను ఆరేసుకుంటే

తడి చినుకు గుండెను హత్తుకుంది

ప్రియురాలిలా! చిగురాకులా!!!

చూపులు పెనవేసుకున్నట్లు

చినుకులు అల్లుకుపోతున్నాయి

వాన

ధూళి తెరలు తీసి

అద్దంలాంటి

అరటాకు వనాల్ని ప్రసాదించింది

చినుకు విరిస్తే

కడిగేది హృదయాల్నీ సమస్త జీవరాశుల్నీ

జలాశయాల్నీ...

వాన తాకితే చాలు

బరువు మనిషి తేలికైనట్లు

తేలికమనిషి బరువౌతున్నట్లు

అంతర్గత సంద్రాలు

ఆహ్లాద కెరటాల్తో

తడిగాలులు వీస్తాయి

నీరుతగిలితే చాలు

మొలకెత్తుతాం

వటవృక్షమౌతాం

గూళ్ళు కట్టిన మబ్బులకి

చల్లని గాలులు

కొంగులతో ఊయలలూపుతాయి

గాలివీస్తే

వానలేస్తే

ప్రాణాలు ముద్దవుతుంటాయి

ఆకాశానికి రెక్కలుచాచి

బొంగరంలా

గిరికీలుకొడుతుంటే

సౌందర్యం శరీరమైనట్టు

శరీరమంతా హృదయమైనట్టు

మనసు పల్లకిలో

తేలియాడు తుంది

నేనుండగలనా

చినుకుల్ని ఛేదించగలనా

దోసిళ్ళలోంచి రాలే

చినుకుల్లా

ఒక్కధారగా

నీరైపోనూ...!

-గవిడి శ్రీనివాస్‌