Home / Features / Savvadi

నాలో ఊరు

Posted On Sun 04 Oct 21:22:08.819842 2015

ఎన్ని కాలాలు
అలలు అలలుగా నడచి వచ్చినా
నాలో వట వృక్షమ్‌ లా నిలిచిన నా ఊరు
విజ్ఞానాన్ని బుర్రలోకి వొంపుకుంటూ
ఎన్ని దూరాలు
జీవిత సందర్భాలుగా మారినా
కాస్తంత సమయం దొరికితే చాలు
నా పైరు నా పల్లె
రెప్పల మీద పిట్టల్లా వాల్తూనే ఉంటాయి.
నా పల్లెలో
వలస పక్షుల్ని చూస్తున్నాను
తడారిన గుండెల్లో
పగిలిన బీడు భూముల్లో
మొలకెత్తని ఆశలు
వలసపోతున్నాయి.
అయినా చెదిరిన స్వప్నాల్ని
మళ్లీ నిర్మిస్తున్నాను
పల్లె గుర్తొస్తే చాలు
దేహం ముక్కలు ముక్కలుగా
రాలిపోతుంది.
పల్లె రుణం తీర్చుకోడానికి
మనసు ప్రణమిల్లుతోంది
పల్లెకు పోతాను
రైతుని విజ్ఞాన నిధిగా నిలిపేవరకూ
పల్లెకు పోతాను
మేట వేసిన జీవితంలో
ఒక ఆశగా మొలకెత్తుతాను

- గవిడి శ్రీనివాస్‌
08722784768

http://epaper.prajasakti.com/605202/Prajasakti-Main/AP-Main-Pages#page/3/2

Date: 05-06-2015  / Prajasakti