చెరో వైపు

24 oct 2018 navya weekly andhra jyothi

https://epaper.andhrajyothy.com/m5/1862719/Navya-Weekly/20.10.2018?fbclid=IwAR3n_AJf8vD6fPoUfodkkhQotVoSp345DapBT_VvyJ3pkXFpbVE0uR8KMvU#issue/51/1

చెరో వైపు -గవిడి శ్రీనివాస్ 9966550601, 7019278368

బహుశా నువ్వూ నా లాగే

మధన పడుతున్నావనుకుంటా 

ఒక వైపు జ్ఞాపకాల్లో తడుస్తూ 

నిద్ర లేని  రాత్రుల్ని మోస్తున్నావనుకుంటా 

వేకువ అంచుల్లో జారిపడ్డ కలలన్నీ

సగం లోనే  ఎగిరిపోతే 

విరిగి పడ్డ  ముక్కలు గా  మనం మిగిలాం .

చూపులు ఒకటే 

మనసులు ఒకటే 

దాని పరిధు లే  వేరు .

నేల పై చినుకు మొలిస్తే

ఆ చినుకు లో నువ్వు పరిమళిస్తే 

తుమ్మెద ఝంకారం లా మనసు ధ్వనిస్తే 

రాలిన నీ జ్ఞాపకాల్లో మునుగుతూ  నేను .

వాన వెలిసాక

అంతా నిర్మానుష్యంగా ఏమి జరగనట్టు 

నిర్మలంగా సాగిపోతున్నట్లు భ్రమిస్తాం .

లోలోపల ఘర్షణలు కలవని ధృవాలు 

ఒక వేకువలాంటి  కల కోసం 

చెరో వైపు  దుఃఖిస్తూ 

ఒక తలపు నీవెంట 

ఒక తలపు నా వెంట 

ఒక చేరువ కోసం పరితపిస్తూ 

తలమునకలవుతున్నాం .