poems

Singer Sunitha | Gavidi Srinivas | Gideon katta

cinema

https://youtu.be/YjZ76Ry-gDo

cinema

manishi chettu tatvam

Telugu velugu October monthly 2017

ఏంది మామ ! - గవిడి శ్రీనివాస్ 07338053650, 9966550601

ఏంది మామ ! - గవిడి శ్రీనివాస్ 07338053650, 9966550601

ఏంది మామ
ఏడున్నవేంది
పొద్దుగుంకేదాకా 
పెళ్ళాం పిల్లల యేదలేదా ఏంది !

కళ్ళారేసుకుని
సూపులు వాసిపోతున్నాయి.

సుక్కలు దూరే యేలదాకా
ఏంది మామ ఆ పని
ఒక ముద్దూ నేదు
ఒక ముచ్చటా నేదు
పొద్దత్తమానం పనియాదేనా
సినుకు సిటుక్కుమంతే
సెంత సేరిపోనా
కూస్తంత యెచ్చగా
రాతిరిని జుర్రుకోమా ఏందీ మామ !

ఏమోనో మామ
ఈ మజ్జ
బొత్తిగా పేమ తగ్గిపోనాది
సూసే కళ్ళ కి
ఏడుపే వాటమైనాది

అడవి కాసిన ఎన్నెలైనాది బతుకు
పోల్నే మామ
పోయింది ఎలాగూ తేనేము

నువ్వొ త్తావనీ
కాటుక కళ్ళు మెరుత్తున్నాయి
బుగ్గచుక్క ఎతుకుతాంది
సన్నజాజి గుప్పుమంది
సేతి గాజులు అల్లరవుతున్నాయి.
కాలి బొటన వేలు ముగ్గు లేత్తాంది
ఏందీ మామ నువ్వు
నువ్వు ఏం సేత్తావో తెల్దు
కాసేపటికి నా పక్క ఎలుగుతుండాలా
సందె పొద్దు దివిటీ మల్లె !

September 2017 విశాలాక్షి మాస పత్రిక లో ప్రచురించారు

nadaka

తెలుగు విద్యార్థి మాస పత్రిక ఆగష్టు 2017