Home » Sneha

రంగుల లోకం

Posted On 4 days 1 hour 32 mins ago

ఇంద్ర ధనుసులో పొదిగి ఉన్నవి
ఎన్ని వర్ణాలు
ఎన్ని రంగుల జలపాతాలు
ఒక వర్ణ శోభిత దృశ్యం లా
ఒక రంగుల గొడుగులా
చూపుల్ని తన వైపు
లాక్కు పోవడం లేదూ!
ఒక అందాల ఆభరణంలా
మిరుమిట్లు గొలపడం లేదూ!
ఎన్ని జాతులు ఎన్ని మతాలు
ఎన్ని కులాలు ఎన్ని వర్ణాలు
ఒకే రక్తంలో పూయడం లేదూ!
మరి కన్నీటిని చెక్కుతున్న శిల్పులెవరూ?
ఆత్మ హత్యలకు కారకులెవరు?
నాలో ఉద్వేగాన్ని
నీలోకి ఉద్భోదిస్తూ
నీలో ప్రేమను
పరిచయం చేయమంటున్నాను.

పరాకాష్టకు చేర్చే
విపరీత ధోరణుల్ని
ముక్కలు ముక్కలు చేస్తున్నాను
వీలైతే కాసింత ఓదార్పు నివ్వు
జీవితాన్ని కబళించే
శోక గీతికలకి
ఆరంభకుడివి
ఆరాధ్యుడువి కానే కారాదు.

జీవితాధ్యాయంలో
కాసింత ప్రేమను రుచి చూడు
ఒక్కసారిగా విద్వేషాలన్నీ
చెరో దిక్కులో పరుగులెడతాయి.
- గవిడి శ్రీనివాస్‌
9966550601

http://www.prajasakti.com/Content/1795293

- గవిడి శ్రీనివాస్‌

http://epaper.prajasakti.com/c/10320420